Barcelona Oo Soo Jiidaneysa Chinese Badan Iyadoo Maanta U Dabaaldegi Doonta Sannadka Cusub Ee China.
Waxaa Qoray: maslaxtaleexi
Taariikh: 01-February-2014
Ciyaartoyda Barcelona ayaa kulanka maanta ay la leeyihiin Valencia waxa ay xiran doonaan maaliyado gacmaha ay uga sawiran yihiin muqaal u eg faras.
Sababta ka danbeysa arintaas ayaa lagu sheegay in Barcelona ay u dabaaldegeyso sannadka cusub ee China ee loo yaqaano Chinese New year.
Sida ku qoran dhaqanka China, sannadkan 2014 waa sannadkii Faraska waana sababta ka danbeysa muuqaalka faraska ee lagu xardhayo maaliyada Barcelona.
Barcelona ayaa dooneysa inay gasho suuqa China oo ay heshiisyo badan oo dhaqaale ka hesho, talaabadan ay qaadeyso ayaana u soo jiidi kara taageerayaal badan oo China u dhashay taasoo aakhirka keeni karta heshiisyo xayaysiin ah.